من تريد ان يكون شعرها كثيف و طويل فلتدخل...

بسم الله الرحمن الرحيم
من تريد ان يكون شعرها كثيف و طويل فلتدخل... Hair

[/size]

كيفكم يااخواتي ان شاء الله بخير
الله يسعدكم دنيا وأخره
حبايبي وأنا جالسه أتصفح في المنتديات إلا وأشوف موضوع أعجبني كــــــــثـــيــــر وقلت أنزله في منتدانا

الحبوب عشان خواتي يستفيدوا ترى ناقـــلتـــــــــــه وهذا صاحبة الموضوع هي اللي تتكلم

انا نزلت هالموضوع
عشان خاطر الخوات اللي يعانون نفس هاي المعاناة لانها صعبة بس الحمد لله
وجدت لها حل وحبيت اعرضه لكم الحل لمساعدة الخوات ..

انا من النوع اللي
يحب الشعر الطويل مره ومن كثر حبي لطول الشعر صرت اركض وراء كل شي ينقال
لي استخدمت الحشيشه الخضراء ويبتها من برا واستخدمت دابر املا واستخدمت
الحلبة وزيت العافيه وواااااايد اشياء وقسما بالله اني ايلس على النت
بالساعات بس عشان ادور خلطات واسجلها واخلطها بس وربي شاهد على كلامي ماشي
فايده ..
والله ياخواتي مصروفي كله احطه في هالشغلات لي مافلست وصارت الديون مغرقتني ..
المهم
عندي ربيعته الروح بالروح مرة كنت انا وياها نسولف وانصدمت بان جدتها
خبيرة شعر يعني عيوز عوووده بس ياخواتي عندها خبرة ولا خبرة خبيرات
هاليومين المهم قلت اعرضي مشكلتي على جدتج وعرضتها بنت الحلال وماقصرت ..
ردت
علي وقالت ان جدتها تقول ابعدي عن الصبغات والسشوار ووصفت لي خلطه اول مره
اسمعها المهم سرت واشتريت مكونات هالخلطة وخلطتها مثل ماقالت لي بالحرف
الواحد ..
انا من النوع الكسول اللي ماحب استمر على شغلة وحده فترة طويله ابي النتائج بسرعه المهم ماطولت استخدمه اسبوع وودرتها ..
قالت وحدها من ربيعاتي عطيني الخلطة بدل ماتنعق المهم عطيتها وشعر ربيعتي جاف مره وخفيف وقصير ..
استخدمت هالخلطة تقريبا مده شهرين وياليتكم تعرفون اشلون تحطها!!
تحطها
في الشهر مرتين بس لانها انسانه موظفه وماتحصل وقت تهتم في شعرها بس والله
ياخواتي انها يوم فتحت شعرها جدامي انصدمت بشكل فظيع والله ياخواتي ان يوم
شفت شعرها قلت مستحيل يكون شعر طبيعي شعرها كان لحد كتافها الحينه صار لنص
الظهر وكثف وصار يلمع احلف لكم بالله اني ماصدقت اللي اشوفه
قلت عيل
برد اخلط الخلطة واجربها على حد ثاني عشان اتاكد من مفعولها وهالمره
جربتها على اختي الصغيرونة كان شعرها مقصوص كاري بس بعد ماصارت امي تحطه
على شعرها كثف شعرها وصار ينمو بشكل ملحوظ حتى قصتها من جدام طولت وطلع
لها شعر صغيرون من جدام يعني شعر البنيه تحسن على هالخلطة ..
وبعد
ماشفت هالتجربتين جدامي سرت للسوق واشتريت المقادير وخلطت هالخلطة لكل
افراد بيتنا وكلنا الحينه نستخدمها بس فيه تحسن ملحووظ بشكل فظييييييييع ..
حبيت
انزل هالموضوع وربي شاهد على كلامي لاني حسيت قبل باللي يبون يطولون شعرهم
ويحسنونه بأي طريقه فقلت حرام اقتصر هالشي على عمري لاني احب الخير لغيري
مثل ماحبه لنفسي ..

بعدين اانا طالبه في
المرحله الثانويه العامه يعني محتاجه لدعاكم واذا كذبت عليكم بشي او غشيت
وحده منكم فهذا مب لمصلحتي لان دعوة المظلوم مابينها وبين الله حجاب ..

المقادير ..

كمية متساوية من كل زيت مما ياتي :

الجرجير
الخردل
الصبار
السمسم
السدرة
زيت الزيتون
نارجيل
خروع

تنحط هالزيوت كلها بمقاااااادير متساوية ماشي اكثر عن شي
وقبل ماتخلطينها في الغرشة تكوني حاطه في اخر الغرشة حبة سوداء مطحونة ومعاها حبة حمراء الي هي حب الرشاد
يعني بمقدار بسيط انتي وشطارتج قدري كم الزيوت تحتاج من هالبودره على شرط ماتثقل الزيوت معاج ..

صبي الزيوت فوقها وخلطيها وبالهناء والشفاء

تستخدم ثلاث مرات اسبوعيا تنحط في الليل وتغسليها الصبح ..

وشكرا

» اللي تبغا شعرها غجري
» لشعر طويل ينبع بالحيوية واللمعان
» ***كاد المعلم ان يكون رسولا........*