مـن حـقنا نحلــم

مـن حـقنا نحلــم


لو بطلنا نحلم نموت
كانت بدايه اغنيه حلوه
ولكنها في الحقيقه بدايه حياه جميله
الحلم هنا الامل فى حياة سعيده
من حقنا نحلم لو حتى مش نايمين
من حقنا نحلم لو كان الحلم لساعات
من حقنا نحلم لو حتى بالجراح عايشيين
من حقنا نحلم بحياه جميله وأحنا فيها اناس عايشيين

من حقنا نحلم
اننا اخدنا حقوقنا اللي بها مطالبيين
اننا اخدنا حقوق كرسية وجهازه وعكازة باهتمام
اننا اخذنا حقوق العمل ومن الامل وندوات ومحاضرات
دي مطالب في أحلام ومتقولش مجرد اوهام
لاننا و بدون حرمان او غلط او نفاق او حتى ارهاب
احنا انسان

من حقنا نحلم
و نشوف الدنيا حلوة
مع انها مش كدة
دايما نلاقيها غلط فيها الظلم بييبان
ومتقولش مجرد كلام علي شاشه
هتقلبها صفحه الزمان
بالعكس
دي مشاعر بقلب انسان
محتاج بس للحنان
محتاج لكلمه صغيره يسمعها
انت مجرد انسان

من حقنا نحلم
الحلم مش حرام
الحلم مش لأنسان و انسان
انا معاق و لكن انسان

من حقنا نحلم
حتى لو من غير حقيقه بتبان

من حقنا نحلم
بأسره صغيره
وبيت و عيله
ولا هو المعاق
محروم من الجواز و الاسره و العيال
بحلم بزوجه صالحه
و اولاد يعرفون الرحمن
يطلعوا احسن منى و من كل انسان

من حقنا نحلم
بصداقة دون خيانة
و النفاق .. والحسد
ولا حتى ظلم و ظغيان

من حقنا نحلم
ان اوراق الخريف التى تسقط
ستاتى من جديد فى ثوبها الجديد بكل شموخ
ونلاقي الدنيا بربيع فتان بون خريف اليأس الجبان


واخيرا
من حقنا نحلم
بضحكة من القلب صافيه
وان تشرق شمس التعاون الوفاء
والاخلاص والسماحة على جميع الناس
في الدنيا كلها
ونقول هذا هو

أمــــل الانســـان